Min ePortefølje
Litt om meg
På denne sida vil du finne informasjon om meg og prosjekta eg har arbeidd med. Eg har fagbrev og fleire års erfaring innan IKT. Yrkesvalget var naturleg sidan eg har stor personleg interesse i datamaskiner. Mi draumestilling er ei stilling som utviklar i eit software-selskap som lagar noko veldig stilig. Med enorm lønn, naturligvis. Eller alle små gutar sin draum: ein jobb i eit selskap som lagar romrakettar. Eg har også nokre produktidéar som (so vidt eg veit) ikkje finst på marknaden i skrivande stund.
Ein idé er eit numerisk tastatur som også fungerer som ein vitskapeleg kalkulator med LCD-display. Det kan sende utrekningar som input til ein datamaskin.
I tillegg skal det ha ekstra tastar til som kan programmerast med brukaren sine eigne funksjonar.
Focus Electronic brukte å lage tastatur som hadde liknande funksjonalitet, men det selskapet ser ut til å ikkje eksistere lenger.
Ein annan, litt meir ambisiøs idé, er eit program som kan automatisk gjenkjenne bøker og vurdere den fysiske tilstanden deira. Programmet vil kanskje også sette pris og legge dei ut for salg på nettet automatisk. Bakgrunnen er at eg kjenner ein mann som driv eit antikvariat, og når ein har hundretusenvis av bøker er det litt av eit arbeid å taste inn alt for hand. Litt for mykje arbeid. Dette programmet vil nok involvere bruk av kunstig intelligens med bildegjenkjenning.
Skuleprosjekt
-
Prosjekt i Teambasert samhandling / First Lego League.
Oppgåva var at vi skulle utforme og programmere ein Lego-robot med Lego Spike-settet til å løyse diverse oppgåver. Her har vi fått ein smak på korleis det er å utvikle ei løysing saman i eit team. Teamet var det same som i introduksjonsprosjektet i starten av året, det vil seie folk eg i utgangspunktet ikkje kjenner, men no kjenner litt betre. Oppgåva vi valgte var Oppdrag 7, eller "Krakens reir". Der skal ein løfte opp eit kollapsa skip slik at det står og ta ei skattekiste frå kraken.
Krakens reir i startposisjon. 
Oppgåva er løyst. Mitt største bidrag til teamet var å skrive programkoda i Python. Løysinga vi endte opp med var ein høgst spesialisert rigg som berre kan løyse ei bestemt oppgåve. Det er ein rigg som løfter opp skipet, dyttar opp tentaklane til kraken og hukar tak i skattekista samtidig. Alt i ein bevegelse, utan å måtte bevege nokon arm eller liknande. Alt ein treng å gjere er å posisjonere roboten riktig, so køyre inn og ut att. I utgangspunktet var eg imot denne idéen, men etter kvart varma eg meg opp til konseptet. Eg er litt glad i ekstremt spesialiserte Rube Goldberg-type maskiner. Ein tidlegare versjon av roboten hadde ein fancy gripearm som opna og lukka seg når den var heilt nede, og holdt saman når ein løfta armen opp. Denne vart diverre ikkje brukt.
Ein tidlegare versjon av roboten. Gjennom dette prosjektet har eg fått noko erfaring med arbeid i team i utviklingsprosjekt, om problema som kan oppstå i slike situasjonar, og kva tid det løner seg å samarbeide vs å delegere. Dersom fleire i teamet har store idéar om korleis ein skal gjere ting må ein gjere kompromiss for å få til noko. Uansett har samarbeidet fungert bra.
-
Prosjekt i IDATA1003 / Programmering 1.
Dette prosjektet går ut på å utvikle eit program som lagar oversikt over innholdet i ein beholdar med matvarer, til dømes eit kjøleskap. Programmet skal lagre informasjon om matvarer, legge til og fjerne matvarer frå ein beholdar, vise summen av prisane på matvarene i beholdaren, vise varer som har gått ut på dato, med meir. Programmet er utvikla i Java. Eg har lært mykje om objektorientert programmering (OOP). Eg har også lært om bruk av utviklingsmiljøet IntelliJ. Sidan eg er van med meir primitive teksteditorar var det litt overveldande til å byrje med, men eg likar det ganske godt etter kvart som eg har blitt van med det.
-
Signatron 1001
Ein revolusjonerande, arbeids- og skattepengebesparande handskriftmaskin retta mot den profesjonelle marknaden. Sjå video! Her lærte eg korleis ein programmerer ein Lego-robot med Lego sine kodeblokkdingsar. Sidan då har eg lært at det i grunnen er mykje enklare og raskare å skrive programkoda sjølv. Eg lærte også at ein kan samarbeide godt med folk ein ikkje kjenner, dersom ein berre kan prate vanleg.
Personlege prosjekt
- Tastaturkalkulatorprosjektet er på god veg til å bli realisert! Meir informasjon kjem etter kvart.
- katanasnakes.org Personleg nettstad. Inneheld eit webcomic-prosjekt med fleire kunstnarar og diverse anna, høgst problematisk, innhald. Gjennom dette prosjektet har eg friska opp og styrkt mine kunnskapar om HTML og CSS, samt lært meg litt om bruk av NGINX, Certbot, og diverse anna drit.
